जाँते । लेटाङको जाँतेबाट पथरी जाने सडकमा रहेका रुखका कारण मोटरसाइकल दुर्घटना हुँदा एक जनाको मृत्यु भएको छ । आइतबार दिउँसो तिर पथरीबाट जाँते आउँदै गरेको मोटरसाइकल रुखमा ठोकिएर दुर्घटना हुँदा मोटरसाइकलमा सवार लेटाङ ८ अँधेरीका निकेश राईको मृत्यु भएको हो । यस्तै पछाडी सवार उनकी श्रीमती ललिता राई गंभीर घाइते भएकी छन् । उनलाई उपचारका लागि न्यूरो अस्पताल लगिएको छ ।
दिउँसो तिर पथरीबाट जाँते फर्कंदै गर्दा दुर्घटना भएको स्थानीय लोक विक्रम लिम्बूले जानकारी दिनुभयो । सो सडक कालोपत्रे भएको १ वर्ष पनि पूरा भएको छैन । सडक कालोपत्रे पश्चात पहिलो पटक दुर्घटनामा परि स्थानीयले ज्यान गुमाउनु परेको हो ।
सडकको रुख हटाउन स्थानीयवासी, नगरपालिका लगायत जनप्रतिनिधहरुले पहल गर्दै आएपनि नेपाल सरकाले चासो नदेखाउँदा एकजनाले अकालमा ज्यान गुमाउनु परेको छ ।
