सुन्दरहरैंचा । मोरङको सुन्दरहरैंचास्थित जंगल क्षेत्रमा पर्ने बूढी खोला छेउमा एक अपरिचित महिलाको शव फेला परेको छ । सुनसरीको सिमाक्षेत्र नजिकै सुन्दरहरैंचा ५ स्थित चारकोशे झाडीको बयरघारी भन्ने जंगलमा बूढी खोलामा शव भेटिएको वडासदस्य घनश्याम घले गुरुङले जानकारी दिनुभयो ।
केराबारी गाउँपालिकाको समेत सिमाक्षेत्र नजिकै पर्ने सुन्दरहरैंचातर्फको सो जंगल बीचमा खोला भित्र पानीमै शव भेटिएको हो । बाख्रा चराउन गएका स्थानीयवासीले वेवारिसे शव देखेर प्रहरीलाई खबर गरेका थिए । अन्दाजी ४५ ५० वर्षको जस्तो देखिने मंगोलियन वर्णको अनुहार प्रष्ट चिनिने अवस्थामा शव फेला परेको छ ।
स्थानीयले खबर गरेपछि पुगेको प्रहरीले शव पोष्ट मार्टमका लागि वीपी प्रतिष्ठान धरान लगेको वडासदस्य गुरुङले जानकारी दिनुभयो । मृतकको साथमा सामसङ कम्पनीको फोन र केही नगद पनि भेटिएको उहाँले बताउनुभयो ।
