विराटनगर । कोशी प्रदेशका मुख्यमन्त्री हिक्मतकुमार कार्कीले आज विश्वासको मत लिंदै हुनुहुन्छ । कार्की संविधानको धारा १६८ को उपधारा ३ बमोजिम ठूलो दलको हैसियतले भदौ २२ गते मुख्यमन्त्री नियुक्त हुनु भएको थियो ।
मुख्यमन्त्री भएको ३० दिन भित्र बिश्वासको मत लिनुपर्ने हुन्छ । तर, कार्कीले विश्वासको मत पाउने अवस्था भने अहिलेसम्म देखिएको छैन । एमालेसँग उपसभामुख सहित प्रदेश सभामा ४० सदस्य छन् । सभामुख पद रिक्त रहेको रहेकाले उपसभामुखलले सभा चलाउदा ३९ जना एमालेका प्रदेश सभा सदस्यले मात्रै विश्वासको मत दिन पाउनेछन् ।
एमालेलाई साथ दिंदै आएको राप्रपाले विश्वासको मत पाउने आधार नभए यस पटक विश्वासको मत नदिने जनाएको छ । कोशी प्रदेशमा रहेका नेपाली कांग्रेस, नेकपा माओवादी, एकीकृत समाजवादी र जसपाले कार्कीलाई विश्वासको मत नदिने बताउँदै आएका छन् ।
कोशी प्रदेश सभामा कांग्रेसका २९, माओवादीका १३ समाजवादीका ४ र जसपाका १ सदस्य रहेका छन् । विश्वासको मत लिने प्रयोजनका लागि आज प्रदेस सभा बोलाईएको छ ।
कार्कीले विश्वासको मत पाउने आधार तयार गरे राप्रपाले विश्वासको मत दिने भएको छ । त्यसो नहुँदा तटस्थ बस्ने रणनीति राप्रपाले बनाएको छ । संविधानको धारा १६८ ९३० अन्तर्गत सबैभन्दा ठूलो दलको हिसाबले मुख्यमन्त्री बनेका कार्कीले विश्वासको मत पाउने आधार राप्रपालाई भन्नुपर्ने प्रदेश संसदीय दलका नेता भक्तिप्रसाद सिटौलाले बताउनुभयो भएको छ ।
उहाँले संविधानको धारा १६८ ९५० अन्तरगतको सरकार गठनका विषयमा भने राप्रपाले धारणा बनाइनसकेको बताउनुभयो ।
