इटहरी । इटहरी उपमहानगरपालिकामा नेकपा एमालेबाट निर्वाचित उपप्रमुख लगायतका बहुमत जनप्रतिनिधि र नेपाली कांग्रेसबाट निर्वाचित नगर प्रमुख लगायतका जनप्रतिनिधिहरुबीचको विवादका कारण समस्या भएको छ । केहि दिनअघि प्रशासन शाखाका कर्मचारी सञ्जिव खड्काले वडाहरुको सर्भर डाउन गरेकाले उपप्रमुख लगायत एमालेबाट निर्वाचित जनप्रतिनिधिहरुले प्रशासन कक्षमा ताला लगाएपछि चुलिएको विवाद अझ बढिरहेको छ ।
उपप्रमुखले लगाएको ताल बुधबार उपमहानगरप्रमुख हेमकर्ण पौडेल पक्षले फुटाइ दिएका छन् भने यता उपप्रमुख चौधरीले अब नगर प्रमुख पौडेलको कायकक्षमै तालावन्दी गर्ने बताएकी छन् । उनले आफू कार्यवाहकप्रमुख भएका बेला बहुमतले गरेको निर्णय कार्यान्वयन गर्न उपमहानगर प्रमुख हेमकर्ण पौडेलले नमानेपछि तालावन्दी गर्न बाध्य हुनुपरेको बताउनुभयो ।
योजनाहरुको भुक्तानी नदिएको, वडाका योजनाहरु कार्यान्वयन नगरेको तथा जथाभाविरुपमा कर्मचारी सरुवा गरेको एमाले जनप्रतिनिधहरुले बताएका छन् । नगर प्रमुखले आफुलाई मनलागेका योजना मात्र अघि बढाएको, आधा भन्दा बढी आर्थिक वर्ष समिन लाग्दा समेत वडाका योजना कार्यान्वयन नगरेको र नियम विपरित मनलाग्नीरुपमा ७७ जना कर्मचारी सरुवा गरेकाले विरोधमा उत्रनु परेको एमालेबाट निर्वाचित जनप्रतिनिधिहरुको भनाइ छ ।
