-मनोज अधिकारी
इटहरी । जनता बहुमुखी क्याम्पस इटहरीमा नेकपा एमालको विद्यार्थी संगठन अनेरास्ववियुको नयाँ कार्य समिति चयन गरिएको छ । आइतबार भएको अनेरास्वयिु क्याम्पस कमिटीको २० औं सम्मेलनले ९ जना पदाधिकारीसहित ५१ सदस्यीय क्याम्पस कमिटी निर्वाचित गरेको हो ।
कमिटीको अध्यक्षमा सन्तोष तिम्सिना, उपाध्यक्षमा दीपेन्द्र खतिवडा, स्मारिका कटुवाल, सचिवमा नेत्र बस्नेत, सहसचिवमा सविन लुइँटेल, अनिल कार्की, सुजन गेलाल, पवन सुनुवार र कोषध्यक्षमा दीप लुइँटेल चयन हुनु भएको छ ।
यसैगरि संगठन विभाग प्रमुखमा दीपेश सापकोटा, साँस्कृतिक विभाग प्रमुखमा प्रमिला श्रेष्ठ, खेलकुद विभाग प्रमुखमा अरसद अली, महिला विभाग प्रमुखमा प्रकृति राई र प्रचार प्रचार विभाग प्रमुखमा इफरान खान चयन हुनु भएको छ ।
उज्ज्वल सिग्देलको नेतृत्वमा रहेको क्याम्पस कमिटीले अनेरास्ववियु कोशी प्रदेश कमिटी अध्यक्ष जीवी गजलको प्रमुख आतिथ्यतामा २० औं क्याम्पस कमिटी सम्मेलन गरि नयाँ नेतृत्व चयन गरेको हो ।
