लेटाङ । लेटाङ ८ स्थित नोवेल एजुकेशन डेभ्लोप्मेन्ट फाउण्डेशनले एसइइ परीक्षा दिने कक्षा १० का विद्यार्थीहरुलाई विदाइ तथा शुभकामना कार्यक्रम गरेको छ । विद्यालयमा रहेको बाल क्लवको आयोजनामा भएको कार्यक्रममा कक्षा ९ का विद्यार्थीहरुले कक्षा १० पुरा गरेर एसइइ परीक्षाको तयारी गरिरहेका विद्यार्थीहरुलाई विदाइ गर्दै परीक्षाको शुभकामना दिएका छन् ।
उनीहरुले कक्षा १० का विद्यार्थीहरुलाई फूलको माला तथा अविर लगाएर विदाइ गर्दै परीक्षामा सफलाताको शुभकामना व्यक्त गरे । विद्यालयका प्रधानाध्यापक भोलानाथ पाण्डे लगायतका शिक्षकहरुको आतिथ्यतामा भएको कार्यक्रममा विद्यालयको तर्फबाट विद्यार्थीहरुलाई मायाको चिनो स्वरुप फोटो फ्रेम प्रदान गरिएको थियो ।
नोवेल एजुकेशन डेभ्लोप्मेन्ट फाउण्डेशनबाट यसवर्ष २४ जना विद्यार्थी एसइइ परीक्षामा सहभागी हुँदैछन् । नोवेल एजुकेशन डेभ्लोप्मेन्ट फाउण्डेशनले पछिल्लो केही वर्षयता एसइइ परीक्षामा नीजि विद्यालयहरुमध्ये छात्र र छात्रा दुवैतर्फ लेटाङकै उत्कृष्ट नजिता हासिल गर्दै आएको छ ।
यसैबीच विद्यालयले विद्यार्थीहरु माझ होली उत्सव कार्यक्रम पनि गरेको छ । विद्यालयको नयाँ ब्लकमा भएको कार्यक्रममा विद्यार्थीहरुलाई शिक्षक शिक्षिकाहरुले होलीको टीका र अविर लगाइ दिएका छन् ।
साना साना विद्यार्थीहरुले समेत विभिन्न रंगहरुमा रंगिएर आपसमा रंग दल्दै होलीको खुशीयाली साटेका थिए । रंगीचंगी रङहरु दलेर होलीको उमंगमा रमाउन पाउँदा विद्यार्थीहरु निकै हार्षित देखिन्थे । विद्यार्थीहरुमाझ हरेक चाडपर्वहरु मनाउने प्रचलन अनुशार होली विशेष कार्यक्रम गरिएको विद्यालयका प्रधानाध्यापक भोलानाथ पाण्डेले जानकारी दिनुभयो ।
24 हाेइन 25 हाे