सुन्दरहरैँचा । मोरङको सुन्दरहरैंचामा माघ ३० गतेदेखि सञ्चालन हुन लागेको सुन्दरहरैंचा विराट एक्स्पोको तयारी तिव्ररुपमा भइरहेको छ । सुन्दरहरैँचा नगरपालिकाका विभिन्न स्थानमा अत्याधुनिक सार्वजनिक शौचालय निर्माण गर्नका लागि आर्थिक श्रोत जुटाउने उद्देश्यका साथ सुन्दरहरैँचा उद्योग वाणिज्य संघको आयोजनामा सञ्चालन गर्न लागिएको एक्स्पो तयारी यतिबेला धमाधम भइरहेको छ ।
उद्योग वाणिज्य संघले १० वर्षका लागि भाडामा लिएको सुन्दरहरैँचा १० विराटचौकस्थित खुला मैदानमा एक्स्पोका लागि विभिन्न भौतिक संरचनाहरु निर्माणको काम भइरहेको छ । प्रदर्शनीका लागि स्थायी घेराबारा निर्माण गर्नुका साथै ठूला ठूला डोम बनाएर स्टलहरु तयार गर्ने काम भइरहेको छ भने मनोरञ्जनात्मक खेलसामाग्री निर्माणको काम पनि जारी छ ।
सुन्दरहैँचा उद्योग वाणिज्य संघले ८ वर्षको अन्तरालमा निकै लामो तयारी गरेर अन्तर्राष्ट्रिय स्तरको प्रदर्शनीसहितको चौथो सुन्दरहरैँचा विराट एक्स्पो सञ्चालन गर्न लागेको अध्यक्ष नारायण कार्कीले जानकारी दिनुभयो । माघ ३० गतेदेखि फागुन १० गतेसम्म सञ्चालन हुने महोत्सवमा ५ करोड बराबरको कारोवार हुने तथा दैनिक करिव ५ हजार बढी मानिसहरुको सहभागीता रहने अनुमान गरिएको छ ।
सार्वजनकि शौचालय निर्माणका साथै स्थानीय स्तरमा व्यवसायीक गतिविधिलाई चलायमान बनाउन पनि एक्स्पो सञ्चालन गर्न लागिएको अध्यक्ष कार्कीको भनाइ छ । अन्य मेला महोत्सव भन्दा भिन्न तरिकाले रात्रीकालिन सांगीतिक कार्यक्रमका साथै दिवकालिन गतिविधिसहित सञ्चालन गरिने एक्स्पोमा भारत, पाकिस्ता र बंगलादेशबाट आउने व्यवसायीले समेत स्टल राख्ने उहाँले जानकारी दिनुभयो ।
सुन्दरहरैंचा विराट एक्स्पोकै विषयमा हामीले आयोजक सँस्था सुन्दरहरैँचा उद्योग वाणिज्य संघका अध्यक्ष नारायण कार्कीसँग कुराकानी गरेका छौँ । सुनौँ अध्यक्ष कार्कीसँगको कुराकानी ।
