मुख्य समाचार
चुनावी वाचा पुरा गर्दै लेटाङका जनप्रतिनिधि, साक्फारावासी हर्षित (भिडियोसहित) | लेटाङ १ मा अपरिचित व्यक्तिको शव फेला | केराबारी २ जेफालेमा सम्पन्न भलिवल प्रतियोगिताको उपाधि दमकलाई | जाँते नमुना सेकेण्डरी वोर्डिङ स्कुलको पठन-पाठन अब नयाँ भवनमा, मेयरद्वारा उद्घाटन (भिडियोसहित) | लेटाङमा दुर्व्यसन विरुद्ध आमाहरु कार्यक्रम शुभारम्भ (भिडियोसहित) | वर्षाअघि नै बाढीको जोखिम न्यूनिकरणको तयारीमा लेटाङ नगरपालिका (भिडियोसहित) | सरल र स्वाभिमानी सुहाङ | राजतन्त्रको जस्तै भए नेम्वाङका जेठा छोरालाई टीकट दिइन्थ्यो : अध्यक्ष खतिवडा (भिडियोसहित) | लेटाङको अर्धवार्षिक बुलेटिन प्रकाशन गरिने, लेखनमा रुची भएकाहरुलाई अवसर | लेटाङ ८ लालझोडामा स्वास्थ शिविर सञ्चालन, ८० जना लाभान्वित |
मुख्य समाचार
चुनावी वाचा पुरा गर्दै लेटाङका जनप्रतिनिधि, साक्फारावासी हर्षित (भिडियोसहित) | लेटाङ १ मा अपरिचित व्यक्तिको शव फेला | केराबारी २ जेफालेमा सम्पन्न भलिवल प्रतियोगिताको उपाधि दमकलाई | जाँते नमुना सेकेण्डरी वोर्डिङ स्कुलको पठन-पाठन अब नयाँ भवनमा, मेयरद्वारा उद्घाटन (भिडियोसहित) | लेटाङमा दुर्व्यसन विरुद्ध आमाहरु कार्यक्रम शुभारम्भ (भिडियोसहित) | वर्षाअघि नै बाढीको जोखिम न्यूनिकरणको तयारीमा लेटाङ नगरपालिका (भिडियोसहित) | सरल र स्वाभिमानी सुहाङ | राजतन्त्रको जस्तै भए नेम्वाङका जेठा छोरालाई टीकट दिइन्थ्यो : अध्यक्ष खतिवडा (भिडियोसहित) | लेटाङको अर्धवार्षिक बुलेटिन प्रकाशन गरिने, लेखनमा रुची भएकाहरुलाई अवसर | लेटाङ ८ लालझोडामा स्वास्थ शिविर सञ्चालन, ८० जना लाभान्वित |


साग्मामा सम्पन्न पुरुष र महिला भलिवलको उपाधि वारांगीलाई (भिडियोसहित)

मोरङ खबर 275+ समाचार ( )
१२ चैत्र २०८०, सोमबार

लेटाङ । लेटाङ १ स्थित साग्मामा साविक वडा स्तरीय भलिवल प्रतियोगिता सम्पन्न भएको छ । स्थानीय नमुना युवा परिवार साग्माको आयोजनामा उत्तरी मोरङका साविक गाविसका वडास्तरीय पुरुष तथा महिला भलिवल प्रतियोगिता सम्पन्न गरिएको हो ।

चैत्र ८ गतेदेखि सुरु भएर आज सोमबार सम्पन्न प्रतियोगितामा पुरुषतर्फ १४ वटा र महिलातर्फ ७ वटा टीम सहभागी भए । प्रतियोगितामा पुरुषतर्फ वारांगी प्रथम, फाइवा दोश्रो र कार्तीके तेश्रो भएका छन् । पुरुषतर्फ प्रथम भएको वारांगीले ट्रफीसहित ३० हजार, द्वीतीय भएको फाइवाले १८ हजार र तृतीय हुने कार्तीकेले ७ हजार नगद पुरस्कार पाएका छन् । 

यसैगरि महिलातर्फको उपाधि पनि वारांगीले नै जितेको छ भने आयोजक साग्मा महिलातर्फको उपविजेता बन्न सफल भएको छ । महिलातर्फको विजेता वारांगीले ट्रफिसहित नगद १० हजार र उपविजेता साग्माले नगद ६ हजार पाएका छन् । विजेता खेलाडीहरुलाई लेटाङ १ का वडाध्यक्ष विष्णुकुमार मगर लगायतका अतिथिहरुले पुरस्कार तथा ट्रफि प्रदान गर्नुभयो । 

आयोजक नमुना युवा परिवार साग्माका अध्यक्ष ख्याम रानामगरको अध्यक्षता तथा वडाध्यक्ष विष्णुकुमार मगरको प्रमुख आतिथ्यतामा भएको प्रतियोगिताको समापन कार्यक्रममा स्थानीय समाजसेवी बालकुमार चेम्जोङ, सविकुमार राई, थामनारायण राई, ठेक्काजित राई, खड्ग नारायण राई, तिलक राई लगायतको आतिथ्यता रहेको थियो । 

कार्यक्रममा बोल्दै वडाध्यक्ष विष्णुकुमार मगरले आगामी वर्षमा पनि साग्मामा भलिवल प्रतियोगिता सञ्चालन गर्न सहयोग गर्ने प्रतिवद्धता जनाउनुभयो । उहाँले खेल मैदानमा शौचालय निर्माणका लागि बजेट व्यवस्थापन गरिदिएको भन्दै नगर प्रमुख भूपेन्द्र कुमार लावतीलाई धन्यवाद समेत दिनुभयो ।

यसैगरि आयोजक नमुना युवा परिवार साग्माका अध्यक्ष ख्याम रानामगरले सबैबाट थोरै थोरै सहयोग जुटाएर प्रतियोगिता सञ्चालन गरेको जानकारी गराउँदै वडाध्यक्षबाट वर्षेनी सहयोग प्राप्त हुँदै आएको भन्दै खुशी व्यक्त गर्नुभयो । 

यस्तै स्थानीय समाजसेवी सविकुमार राईले गाउँघरमा हुने यस्ता प्रातियोगिताहरुले खेलाडी र खेल क्षेत्रको विकासका लागि ठूलो मद्दत पुग्ने बताउनुभयो । कार्यक्रममा खेल मैदानका लागि १ रोपनी जग्गा उपलब्ध गराउनु हुने जग्गादाता डम्बर राईलाई सम्मान समेत गरिएको छ ।

उत्तरी मोरङको पहाडी वडाहरुमा निकै लोकप्रिय खेलको रुपमा रहेको भलिवल खेलको विकास र प्रवर्धन गर्ने उद्देश्यले प्रतियोगिता आयोजना गरिएको आयोजकले जनाएको छ ।

 भिडियो हेर्न यहाँ क्लिक गर्नुहोला । 


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार