-राजु गौतम
लेटाङ । प्रथम लेटाङ नगर महिला भलिबल कपको उपाधि वडा नं ७ ले जितेको छ । निकै प्रतिस्पर्धात्मक खेलमा वडा नम्बर ९ लाई ३-२ को प्रतिस्पर्धात्मक सेटमा पराजित गर्दै वडा नम्बर ७ ले उपाधि जितेको हो ।
लेटाङ भलिबल कोर्टमा मंगलबार सम्पन्न निकै नै प्रतिस्पर्धात्मक फाइनल खेलमा वडा नं ७ ले वडा नं ९ लाई २५-१८, २२-२५, २५-१८, २५-२७ र १५-० को सेटमा हराएको हो ।
विजेता वडा नं ७ ले उपाधि सहित नगद रु ६८ हजार तथा उपविजेता वडा नं ९ ले ट्रफी सहित नगद ३५ हजार प्राप्त गर्न सफल भएका छन् । यसैगरि मंगलबार बिहान सम्पन्न तेस्रो स्थानको खेलमा वडा नं ३ लाई ३-१ को सेटमा पराजित गर्दै वडा नम्बर ४ ले तेश्रो स्थान हासिल गर्न सफल भएको छ । तेश्रो भएको वडा नम्बर ४ ले नगद २० हजार प्राप्त गरेको छ । यस्तै अनुशासित टीम घोषित भएको वडा नम्बर ३ ले नगद ६ हजार प्राप्त गरेको छ ।
विधागत उत्कृष्ट खेलाडीतर्फ वडा नं ३ कि याविन्सा राईले उत्कृष्ट डिफेन्स, वडा नं ७ कि ललिता मगरले उत्कृष्ट लिफ्टर तथा वडा नं ९ कि स्मृति राईले उत्कृष्ट स्पाइकर घोषित हुँदै नगद पुरस्कार प्राप्त गर्न सफल भए । विजेता, उपविजेता, तेस्रो स्थान हात पार्ने टिम, विधागत उत्कृष्ट तथा अनुशाशीत टिमलाई लेटाङ नगर उपप्रमुख कृष्णकुमारी निरौला, प्रमुख प्रशासकीय अधिकृत नारायण न्यौपाने लगायतका अतिथिहरूले पुरस्कार वितरण गर्नुभयो ।
आइतबारदेखि लेटाङ ४ स्थित भलिवल क्लवको खेल मैदानमा शुरु भएर आज सम्पन्न प्रतियोगितामा लेटाङ नगरपालिका भित्रका ९ वटा वडाहरुले सहभागिता जनाएका थिए ।
