लेटाङ । नेकपा एमाले मोरङको दशौँ जिल्ला अधिवेनका क्रममा भएको निर्वाचनमा विजयी हुँदै लेटाङ नगरपालिकाबाट ९ जना जिल्ला किमटी सदस्यमा निर्वाचित भएका छन् । जसमा हल खुलातर्फबाट १ जना, लेटाङ भूगोल खुलाबाट ४ जना, लेटाङ भूगोल युवाबाट १ जना र लेटाङ भूगोल महिलाबाट २ जना विजयी भएका छन् ।
जिल्ला भरिका उम्मेदवारसँग प्रतिस्पर्धा गर्नुपर्ने हल खुलातर्फबाट लेटाङ ३ का रुद्र श्रेष्ठ विजयी हुनु भएको छ । लेटाङले पाउने ७ जनाको कोटा भन्दा बाहिरबाट जिल्लाव्यापि प्रतिस्पर्धामा सहभागी भएका श्रेष्ठ ३ सय २१ मत प्राप्त गरि विजयी हुनु भएको हो ।
यस्तै लेटाङ भूगोल महिलातर्फ २ जनाको कोटामा ३ जनाको उम्मेदवारी परेकामा लेटाङ ९ की केशब कुमारी खतिवडा ५ सय ३९ मत ल्याएर विजयी हुनुभयो । उहाँले लेटाङबाट विजयी हुनेमध्ये सर्वाधिक मत प्राप्त गर्नु भएको हो ।
यस्तै लेटाङ भूगोल महिलातर्फबाट लेटाङ २ की मेनुका आचार्य सुवेदी ३ सय ७१ मतका साथ विजयी हुनुभयो । यसैगरि लेटाङ भूगोल युवातर्फको १ मात्र कोटामा २ जनाको उम्मेदवारी परेकामा ३ सय ७८ मत प्राप्त गर्दै लेटाङ ४ की वडासदस्य चम्पा थापा मगर विजयी हुनुभयो ।
लेटाङ भूगोल खुलातर्फ लेटाङले पाएको ४ वटा जिल्ला सदस्य पदमा ८ जनाको उम्मेदवारी परेकामा लेटाङ ४ का वडाध्यक्ष रामकुमार श्रेष्ठ भूगोल खुलातर्फ सर्वाधिक तथा लेटाङबाट विजयी हुनेमध्ये दोश्रो बढी ४ सय ३५ मत प्राप्त गर्दै विजयी हुनुभयो ।
यस्तै भूगोल खुलातर्फ लेटाङ ३ का वडाध्यक्ष डम्बरबहादुर राई ३ सय ४३, लेटाङ ५ का वडाध्यक्ष भूम सूर्य मगर ३ सय ४२ र लेटाङ ९ का वडासदस्य खेमराज ढकाल ३ सय २८ मत ल्याएर विजयी हुनुभयो ।
हल खुला बाहेक लेटाङको कोटाबाट निर्वाचित हुनेमध्ये केशबकुमारी खतिवडाले सर्वाधिक ५ सय ३९ मत प्राप्त गर्दा खेमराज ढकालले सबैभन्दा कम ३ सय २८ मत ल्याएर विजयी हुनुभयो । यसैगरि लेटाङले पाउने ७ जनाको कोटा बाहेक समावेशी दलित महिलातर्फ उम्मेदवारी दिएकी हरिमाया विक भने पराजित हुनु भएको छ ।
लेटाङबाट जम्मा १५ जनाले उम्मेदवारी दिएकामा ८ जना जिल्ला कमिटी सदस्य बन्न सफल भएका छन् ।
