विराटनगर । कोशी प्रदेशका सांसद तथा नेकपा एमाले नेता खड्ग बहादुर बस्नेतले जनतासँग छलफल गरेर वडाबाट सिफारिस गरिएका योजनाहरु समेत कोशी प्रदेश सरकारले कटौती गरेको भन्दै आपत्ती जनाउनु भएको छ । आज बसेको संसद् बैठकमा कोशी प्रदेश सरकारले ल्याएको आर्थिक वर्ष ०८०/०८१ को बजेटको प्रतिस्थापन विधेयकसम्बन्धि छलफलमा सहभागी हुँदै सांसद् बस्नेतले आफूले विधि पद्धति अनुशार सिफारिस गरेका योजनाहरु वर्तमान सरकारले कटौती गरेको भन्दै आपत्ति जनाउनुभयो ।
उहाँले जनतासँग छलफल गरेर वडाबाट समेत सिफरिस गरेर विधि पूर्वक ल्याइएका विद्यालय, सिंचाई र खानेपानी जस्ता महत्वपूर्ण र अत्यावश्यक योजनाहरु समेत प्रदेश सरकारले कटौती गरेको बताउनुभयो । सरकारले एउटा पद्धतीमा रहेर बजेट तयार गर्नुपर्नेमा त्यस्तो नभएको पाइएको भन्दै उहाँले सरकारका जनप्रतिनिधिहरु कमजोर भएको वा कर्मचारीहरु विचौलियासँग लागेर यस्तो अवस्था आएको भन्दै प्रश्न गर्नुभयो ।
अघिल्लो सरकारले १ करोड बजेट छुट्याएकोमा नयाँ सरकार आएपछि बजेट कटौती गरि २५ लाखमा झारिएको भन्दै उहाँले असन्तुष्टि जनाउनुभयो । सांसद बस्नेतले यस्तै रवैया रह्यो भने प्रदेशको अस्तित्व नै समस्यामा पर्ने होकी भनेर आफुलाई चिन्ता लागेको पनि उल्लेख गर्नुभयो ।
सही बिषय उठान गर्नुभयो। माननिय ज्यु