मुख्य समाचार
चुनावी वाचा पुरा गर्दै लेटाङका जनप्रतिनिधि, साक्फारावासी हर्षित (भिडियोसहित) | लेटाङ १ मा अपरिचित व्यक्तिको शव फेला | केराबारी २ जेफालेमा सम्पन्न भलिवल प्रतियोगिताको उपाधि दमकलाई | जाँते नमुना सेकेण्डरी वोर्डिङ स्कुलको पठन-पाठन अब नयाँ भवनमा, मेयरद्वारा उद्घाटन (भिडियोसहित) | लेटाङमा दुर्व्यसन विरुद्ध आमाहरु कार्यक्रम शुभारम्भ (भिडियोसहित) | वर्षाअघि नै बाढीको जोखिम न्यूनिकरणको तयारीमा लेटाङ नगरपालिका (भिडियोसहित) | सरल र स्वाभिमानी सुहाङ | राजतन्त्रको जस्तै भए नेम्वाङका जेठा छोरालाई टीकट दिइन्थ्यो : अध्यक्ष खतिवडा (भिडियोसहित) | लेटाङको अर्धवार्षिक बुलेटिन प्रकाशन गरिने, लेखनमा रुची भएकाहरुलाई अवसर | लेटाङ ८ लालझोडामा स्वास्थ शिविर सञ्चालन, ८० जना लाभान्वित |
मुख्य समाचार
चुनावी वाचा पुरा गर्दै लेटाङका जनप्रतिनिधि, साक्फारावासी हर्षित (भिडियोसहित) | लेटाङ १ मा अपरिचित व्यक्तिको शव फेला | केराबारी २ जेफालेमा सम्पन्न भलिवल प्रतियोगिताको उपाधि दमकलाई | जाँते नमुना सेकेण्डरी वोर्डिङ स्कुलको पठन-पाठन अब नयाँ भवनमा, मेयरद्वारा उद्घाटन (भिडियोसहित) | लेटाङमा दुर्व्यसन विरुद्ध आमाहरु कार्यक्रम शुभारम्भ (भिडियोसहित) | वर्षाअघि नै बाढीको जोखिम न्यूनिकरणको तयारीमा लेटाङ नगरपालिका (भिडियोसहित) | सरल र स्वाभिमानी सुहाङ | राजतन्त्रको जस्तै भए नेम्वाङका जेठा छोरालाई टीकट दिइन्थ्यो : अध्यक्ष खतिवडा (भिडियोसहित) | लेटाङको अर्धवार्षिक बुलेटिन प्रकाशन गरिने, लेखनमा रुची भएकाहरुलाई अवसर | लेटाङ ८ लालझोडामा स्वास्थ शिविर सञ्चालन, ८० जना लाभान्वित |


लेटाङको राजारानीमा रोयल इन्फील्ड मोटरसाइकल प्रयोगकर्ताको भेला हुँदै, विभिन्न देशका ३ सय बढी सहभागी हुने (भिडियोसहित)

रेवती रमण निरौला 58+ समाचार ( )
२१ फाल्गुन २०८०, सोमबार

लेटाङ । ओझेलमा परेका पर्यटकीयस्थलहरुको प्रचार प्रसार गर्ने उद्देश्यले लेटाङ १ स्थित पर्यटकीयस्थल राजारानी पोखरी क्षेत्रमा नेपाल राइडर्स मीट हुने भएको छ । रोइल इन्फील्ड मोटरसाइकलका प्रयोगकर्ताहरुले स्थापना गरेको गैरनाफामुलक संस्था फ्रेण्डस् अफ रोयल इन्फील्ड नेपालको आयोजनामा लेटाङको राजारानीमा छैटौं संस्करणको नेपाल राइडर मीट हुन लागेको हो ।

आज सोमबार राजारानी पोखरी परिसरमा पत्रकार सम्मेलन गर्दै फागुन २५, २६ र २७ गते ३ दिनसम्म मीट सञ्चालन हुने जानकारी दिइएको छ । पत्रकार सम्मेलनमा बोल्दै आयोजक संस्था फ्रेण्डस् अफ रोयल इन्फील्ड नेपालका अध्यक्ष सुनिल मानन्धरले ३ दिन सञ्चालन हुने मीटमा देशविदेशबाट ३ सय ५० जना रोयल इन्फील्ड मोटरसाइकलका प्रयोगकर्ताहरु सहभागी हुने जानकारी दिनुभयो । रोयल इन्फील्ड प्रयोगकर्ताहरुको नेपालका ५२ वटा क्लव र भारतका ७ वटा क्लव तथा अन्य देशबाट व्यक्तिगत रुपमा सहभागीहरु आउने बताइएको छ । 

 

फ्रेण्डस् अफ रोयल इन्फील्ड नेपालले हरेक वर्ष देशका विभिन्न ठाउँमा रहेका पर्यटकीय स्थलहरुको प्रचार प्रसार गर्ने उद्देश्यले यसप्रकारको मीट गर्ने गरेको संस्थाका सचिव सकिल गौचनले जानकारी दिनुभयो । यसअघि वर्दिया, पोखरा, मुस्ताङ, सुनसरी, हेटौंडा, चितवन लगायतका ठाउँमा मीट सञ्चालन गरेको भन्दै उहाँले लेटाङमा निकै आकर्षक पर्यटकीय क्षेत्र रहेको भएपनि ओझेलमा परेको भन्ने जानकारी पाएपछि राजारानीमा मीट गर्ने निर्णय गरिएको बताउनुभयो । 

कार्यक्रमका लागि नेपाल पर्यटन वोर्ड, लेटाङ नगरपालिकासहित विभिन्न व्यापारिक कम्पनीहरुले प्रायोजन गरेका छन् । ३ दिने वसाइका क्रममा बाइक रेस लगायतका विभिन्न खेलहरु खेलाउने, स्थानीय संस्कृति अवलोकन गर्ने तथा यस क्षेत्रको पर्यटन प्रवर्धनका लागि फोटो भिडियो मार्फत प्रचार प्रसार गर्ने बताइएको छ ।

कार्यक्रमका लागि राजारानी पोखरी आसपासको क्षेत्रमा व्यापक तयारी भइरहेको छ । सहभागीहरु सुत्नका लागि टेन्ट हाउस निर्माण, अस्थाइ शौचालय तथा बाथरुम निर्माण, भान्साघर निर्माण लागयतका काम भइरहेका छन् । जसका लागि लेटाङ नगरपालिको समेत सहयोग गरेको छ । देश विदेशका सयौं मानिसहरु आएर पर्यटन प्रवर्धन गर्न लागेकाले नगरपालिकाले समेत व्यवस्थापकिय सहयोग गरेको वडाध्यक्ष विष्णु मगरले बताउनुभयो । 

सो अवसरमा स्थानीय मगर समुदायको साँस्कृतिक नाच हुर्रा नाच समेत प्रदर्शन गर्ने कार्यक्रम रहेको राजारानी पर्यटन विकास समिति अध्यक्ष सुजन मगरले जानकारी दिनुभयो । सहभागीहरुको सुरक्षाका लागि कार्यक्रम अवधिभर राजारानी मन्दिर क्षेत्रमा पूजापाठ गर्ने बाहेकका व्यक्तिहरुलाई प्रवेश निशेध गरिने पनि उहाँले बताउनुभयो । 

राजारानी क्षेत्र धिमाल जातीको उद्गम थालेको रुपमा रहेको छ । यहाँ रहेको धिमाल थानमा हरेक वर्ष वैशाख २ गते धिमाल जातिले विशेष पूजा गर्ने गर्दछन् । यस्ते राजारानी क्षेत्र एकैठाउँमा धेरै प्रकारका सुनाखरी पाउने स्थान हो । यहाँ ४८ प्रजातिका सुनाखरी पाइने बताइन्छ । यस्तै यहाँ विभिन्न दुर्लभ, चारचुरुंगी, कछुवा, माछा, सर्प लगायतका जलचरहरु समेत पाइन्छन् । 

 भिडियो हेर्न यहाँ क्लिक गर्नुहोला । 

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार