लेटाङ । लेटाङ नगरपालिका वडा नम्बर ९ मा जारी जनप्रतिनिधि कप फुटबल प्रतियोगिता अन्तरगत आज ३ वटा खेल सम्पन्न भएका छन् । आज भएका खेल मध्ये महिलातर्फको प्रतियोगितमा अन्तरगत भएको खेलमा स्वर्गद्वारी १ विजयी भएको छ । मिलिजुली २ लाई ० का विरुद्ध १ गोलले पराजित गर्दै स्वर्गद्वारी १ विजयी भएको हो । स्वर्गद्वारीलाई विजयी गराउन खेलको पहिलो हाफमा अनुशा निरौलाले गरेको गोल नै निर्णायक रह्यो ।
आजको जितसँगै स्वर्गद्वारी १ क्वाटर फाइनलमा प्रवेश गरेको छ । अब स्वर्गद्वारी १ ले क्वाटरफाइनलमा सिधै बाइ पाएर आएको सगरमाथा १ सँग सेमीफाइनल प्रवेशका लागि प्रतिस्पर्धा गर्नेछ ।
यसैगरि आज पुरुष तर्फको प्रतियोगिताका २ खेल भएका छन् । जसमा स्वर्गद्वारी २ लाई ० का विरुद्ध ३ गोलले पराजित गर्ने सम्वृद्धि १ विजयी भएको छ । यस्तै अर्को खेलमा मिललिजुली २ ले सगरमाथा १ लाई पराजीत गरेको छ । लेटाङ नगरपालिका वडा नम्बर ९ को आयोजनामा भएको प्रतियोगिताको फाइनल खेल असोज ३० गते हुनेछ ।
