लेटाङ । लेटाङ खेलकुद महोत्सव २०८१ अन्तरगत आज व्याडमिन्टनतर्फका सबै खेल सम्पन्न भएका छन् । व्याडमिन्टनमा ए डिभिजन र बी डिभिजन गरि २ समूह निर्माण गरि खेलाडीहरुलाई प्रतिस्पर्धा गराइएकोमा सबै खेल आजै सम्पन्न भएका छन् ।
ए डिभिजनतर्फ लेटाङ ८ का राजधन राई र लेटाङ ४ का निर्मलसागर राईको जोडी च्याम्पियन बनेको छ । लेटाङ ५ का कृष्णराज राई र लेटाङ ४ का विष्णु मगरको जोडीलाई २–० को सोझो सेटमा पराजित गर्दै राजधन र निर्मलसागरको जोडि च्याम्पियन बन्न सफल भएको हो ।
यसैगरि वी डिभिजनतर्फ लेटाङ ६ का विकास अधिकारी र लेटाङ ९ की लिला तुम्साको जोडी च्याम्पियन बनेको छ । उनीहरु लेटाङ ३ का मञ्जित खनाल र लेटाङ ५ का सन्तोष श्रेष्ठको जोडीलाई पराजित गर्दै च्याम्पियन बनेका हुन् ।
खेलमा जम्मा ३३ जना खेलाडीहरुले सहभागीता जनाएको व्याडमिन्ट खेलका फोकल पर्सन हिक्मत बहादुर खड्काले जानकारी दिनुभयो ।
ए डिभिजनतर्फ प्रथम हुनेल १६ हजार र दोश्रो हुनेले ८ हजार पुरस्कार पाउनेछन् भने वी डिभिजनतर्फ प्रथम र दोश्रो हुनेले ८ हजार पुरस्कार पाउने फोकल पर्सन हिक्मत बहादुर खड्काले जानकारी दिनुभयो । उनीहरुलाई फागुन ७ गते हुने समापन समारोहमा पुरस्कार वितरण गरिने छ ।
