जनकपुरधाम । मधेश प्रदेशका मुख्यमन्त्री सरोज कुमार यादवले सबै दलबाट विश्वासको मत पाउनु भएको छ । मुख्यमन्त्री यादवले प्रमुख प्रतिपक्षी नेकपा एमालेसहित प्रदेशसभाका सबै दलबाट विश्वासको मत पाउनु भएको हो । मुख्यमन्त्री यादवको पक्षमा प्रदेशसभामा उपस्थित सबै १ सय ३ सांसद्ले विश्वासको मत दिएका छन् । प्रदेश सभाको सबैभन्दा ठूलो दल नेकपा एमालेकै समर्थनमा जसपा संसदीय दलका नेता यादव मुख्यमन्त्री नियुक्त हुनु भएको थियो । तर सत्ता समिकरण बदलिएपछि सरकार छाडेको एमालेले जेठ १ मा समर्थन फिर्ता लिएको थियो । एमालेले समर्थन फिर्ता लिएकै कारण मुख्यमन्त्री यादवले विश्वासको मत लिनु परेको हो । तर आज एमालेले समेत मुख्यमन्त्री यादवलाई विश्वासको मत दिएपछि सबै दल सरकारको पक्षमा रहेका छन् । मधेश प्रदेशसभामा १०७ सांसद छन् ।
