- तिलक राई
केराबारी । मोरङको केराबारी गाउँपालिका वडा नम्बर २ मा दोश्रो हिलेथाम कप फुटबल प्रतियोगिता सुरु भएको छ । आज बुधबारदेखि सुरु भएको प्रतियोगिताको उद्घाटन खेलमा लेटाङ फुटबल क्लव विजयी भएको छ । सीसीडीआइसी फुटबल क्लव बुधुक धनकुटालाई २–१ गतेल अन्तरगले पराजित गर्दै लेटाङले उद्घाटन खेलमा जित हात पारेको हो ।
प्रतियोगितामा भोलि विहीबारको खेल साँगुरीगढी धनकुटा र केराबारी फुटबल क्लवबीच हुनेछ । प्रतियोगितामा लेटाङ फुटबल क्लव, सीसीडीआइसी फुटबल क्लव बुधुक धनकुटा, सिंहदेवी फुटबल क्लव, केराबारी फुटबल क्लव, मिक्लाजुङ फुटबल क्लव, रारा फुटबल क्लव र साँगुरीगडी फुटबल क्लव गरि ८ वटा टीमले सहभागिता जनाएका छन् ।
प्रतियोगिताको विजेता हुने टीमले ट्रफीसहित नगद १ लाख तथा दोश्रोले ट्रफीसहित ६५ हजार पुरस्कार पाउनेछन् । प्रतियोगिताको उद्घाटन केराबारी गाउँपालिका वडा नम्बर २ का वडाध्यक्ष प्रेमबहादुर लिम्बूले गर्नुभयो । सो अवसरमा वडा सदस्य नगेन्द्रकुमार खाँण ठकुरी लगायत विभिन्न संघसंस्थाका प्रतिनिधिहरुको आतिथ्यता रहेको थियो । हिलेथाम पर्यटन तथा खेलकुद विकास समितिको आयोजनामा सुरु भएको प्रतियोगिताको फाइनल खेल फागुन १८ गतेहुनेछ ।
