केराबारी । मोरङको केराबारी बजारबाट केराबारी वडा नम्बर २ जेफाले जाने सडक विग्रिएर समस्या भएपछि स्थानीयवासीले जनश्रमदान गरि मर्मत गरेका छन् । सो सडक खण्डको बत्तिसजुरे भन्ने ठाउँमा सडक विग्रिएर यातायात नै अवरुद्ध हुने अवस्था आएपछि स्थानीयवासीले जनश्रमदान जुटाएर मर्मत गरि सवारी आवात जावत गर्न मिल्ने बनाएका ह्ुन् । जसमा केराबारी गाउँपालिका वडा नम्बर २ ले समेत सहयोग गरेको छ ।
सरकारले ठेक्क लगाएर काम सुरु भएकोमा ठेकेदार कम्पनी कान्छाराम कन्ट्रक्सनले निर्माण सुरु गर्नासाथ बीचैमा अलपत्र छाडेपछि स्थानीयवासले सास्ती भोग्दै आएका छन् । सडक विग्रिएका कारण मोरङको प्रमुख पर्यटकीयस्थलको रुपमा केराबारी वडा नम्बर २ सिंहदवीमा रहेको जेफालेसम्म जाने पर्यटकहरुबीच बाटो बाटै फर्कन बाध्य भएका छन् । साथै स्थानीयवासीलाई दैनिक कामका लागि आवातजावत गर्न समस्य भएको छ ।
खासगरि वत्तिसजुरे खण्डमा सडक बिग्रिएर आवत जावत नै बन्द हुने अवस्था आएपछि स्थानीयवासीले ढुंगा सोलिङ गरि तत्कालका लागि सहज बनाएका हुन् । स्थानीय युवा विक्रम शाही ठकुरीले तत्काल सडक निर्माण गरि सहज रुपमा आवत जावत गर्ने बनाउन सरकार समक्ष माग गर्नु भएको छ ।
यसैबीच सो सडक अलपत्र रहेकाले निर्माण कार्य अघि बढाइ दिन भन्दै प्रधानमन्त्री केपी शर्मा ओलीलाई ज्ञापनपत्र बुझाइएको छ । मोरङ क्षेत्र नम्बर १ का पूर्वसांसद तथा नेकपा एमाले कोशी प्रदेश अध्यक्ष घनश्याम खतिवडा, केराबारी गाउँपालिकाका अध्यक्ष सुमन मिरिङचिङ, स्थानीय समाजसेवी डिल्लीराम अधिकारी लगायतले राजधानीमा पुगेर सडक निर्माणका लागि पहल गर्नु भएको हो ।
