लेटाङ । लेटाङ खेलकुद महोत्सव अन्तरगत आज बुधबार सम्पन्न १३ वर्ष मुनिको ३ किलोमिटर म्याराथनमा लेटाङ ५ का विवेक श्रेष्ठले प्रथम स्थान हासिल गरेका छन् । लेटाङ कानेपोखरी सडकखण्डको गंगेचौकदेखि फायरलाइनसम्मको निर्धारित ३ किलोमिटरको दुरी १२ मिनेट १३ सेकेण्डमा पुरा गर्दै श्रेष्ठ प्रथम भएका हुन् ।
यसैगरि लेटाङ १ का विवेक मगर १२ मिनेट १९ सेकेण्डमा निर्धारित दुरी पुरा गरि दोश्रो भएका छन् । लेटाङ १ कै समिल मगर १२ मिनेट ५१ सेकेण्डमा निर्धारित दुरी पुरा गर्दै तेश्रो हुँदा विराज लिम्बू १३ मिनेट ३ सेकेण्डमा दुरी पुरा गरेर चौथो भएका छन् । छात्रतर्फको म्याराथनमा १३ वर्ष मुनिका ५८ जनाले सहभागिता जनाएका थिए ।
यसैगरि छात्रातर्फ लेटाङ ३ की यानी मगर प्रथम भएकी छन् । यानीले १३ मिनेट २८ सेकेण्डमा दौड पुरा गर्दै पहिलो बनेकी हुन् । यस्तै लेटाङ ९ की मिनाक्षी राई १४ मिनेट ५७ सेकेण्डमा दौड पुरा गर्दै दोश्रो भइन् ।
यसैगरि लेटाङ ५ की दीपशिखा राई १५ मिनेट १४ सेकेण्डमा दौड पुरा गर्दै तेश्रो हुँदा प्रीति राईले १६ मिनेट १० सेकेण्डा दौड पुरा गरेर चौथो स्थान प्राप्त गरिन्् । छात्रातर्फको म्याराथनमा १८ जना सहभागी भएका थिए । छात्र र छात्रा दुवैतर्फ प्रथम हुनेले ८ हजार, दोश्रोले ५ हजार, तेश्रोले ४ हजार र चौथोले ३ हजार नगद पुरस्कार प्राप्त गर्नेछन् ।
