लेटाङ । पठन–पाठनसँगै अतिरिक्त कृयाकलापहरुमा समेत उत्तिकै जोड दिंदै आएको नोवेल एजुकेशन एण्ड डेभलपमेन्ट फाउण्डेशन लेटाङ–८ जाँतेले विहीबार विद्यार्थीहरुलाई खुल्ला चित्रकला कार्यशालामा सहभागि गराएको छ । विद्यालयको कक्षा ३ देखि १० सम्म अध्ययन गर्ने विद्यार्थीहरु मध्ये करिव ६० जना विद्यार्थीलाई जाँते बजारको खुला ठाउँमा राखेर चित्र कोर्न लगाइएको हो ।
विद्यार्थीहरुमा खुला ठाउँमा गएर देखेको कुरालाई चित्रमा उतार्ने कलाको विकासका लागि खुला चित्रकला कार्यशाला सञ्चालन गरिएको चित्रकलाका शिक्षक भीम अधिकारीले जानकारी दिनुभयो ।
