लेटाङ । लेटाङ नगरपालिका वडा नम्बर २ स्थित तुर्केमा रहेको रानीवन पोखरीमा डुबेर एकजनाको मृत्युु भएको छ । लेटाङ २ को गरापानी सामुदायिक वनको हाता भित्र रहेको रानीवन पानी पोखरीमा नुहाउने क्रममा लेटाङ १ तुर्के देउराली डाँडा बस्ने भक्त बहादुर लिम्बूको डुवेर मृत्यु भएको हो ।
आइतबा दिउँसो ४ बजे तिर पोखरीमा डुवेर बेपत्ता भएका लिम्बूलाई सशस्त्र प्रहरी बल बराह बाहिनी पकलीबाट तालिम प्राप्त गोताखोरहरु बोलाएर खोजि गर्दा राति ९ बजे तिर मृतअवस्थामा भेटिएको हो । इलाका प्रहरी कार्यालय लेटाङ, प्रहरी चौकी बुधबारे र सशस्त्र प्रहरी बल सुरक्षा बेस पथरी समेतको संयुक्त टोलिले खोजी गर्दा नभेटेपछि सशस्त्र प्रहरी बल बराह बाहिनी पकलीबाट तालिम प्राप्त गोताखोरहरु बोलाएर खोजी गरिएको थियो ।
मृतकको शब पोस्टमार्टमका लागि मदन भण्डारी ट्रमा सेन्टर मंगलबारे लगिएको लेटाङ नगरपालिका वडा नम्बर २ का वडा अध्यक्ष तेजप्रसाद तिम्सिनाले जानकारी दिनुभयो ।
