लेटाङ । विश्व वातावरण दिवसको अवसरमा मोरङको लेटाङमा वृक्षारोपण कार्यक्रम गरिएको छ । लेटाङ ५ स्थित भाग्योदय गाउँले वचत तथा ऋण सहकारी संस्थाले विश्व वातावरण दिवसको सन्दर्भ पारेर वृक्षारोपण कार्यक्रम गरेको हो । सहकारीले लेटाङ ५ स्थित भुवा चिसाङ विकास पैनीको कार्यालय परिसरमा विभिन्न प्रजातिका विरुवा रोपेको हो ।
वृक्षारोपण कार्यक्रमका संयोजक टीक विश्वकर्माको अध्यक्षतामा भएको कार्यक्रममा सहकारीका पदाधिकारी तथा शेयर सदस्यहरु, स्थानीय समाजसेवीहरु, भुवा चिसाङ विकास पैनीको उपभोक्ता समितिका पदाधिकारीहरु लगायतको सहभागीता रहेको थियो । 
वातावरण संरक्षणका लागि वृक्षारोपण महत्वपूर्ण भएकाले भुवा चिसाङ विकास पैनीको कार्यालय परिसरको खालि रहेको जमिनमा वृक्षारोपण गरिएको संयोजक विश्वकर्माले जानकारी दिनुभयो । सुपारी, जामुन, अमला लगायत जातका करिव सय थान विरुवा रोपिएको उहाँले जानकारी दिनुभयो ।
यता पैनी उपभोक्ता समितिका अध्यक्ष भवानी प्रसाद आचार्यले कार्यालय परिसरमा वृक्षारोपण गरि दिएकोमा सहकारी संस्थालाई धन्यवाद दिंदै रोपिएका विरुवाहरुको संरक्षणमा ध्यान दिने प्रतिवद्धता जनाउनुभयो ।
