लेटाङ । स्थानीय स्काउटको कार्यालय लेटाङकको आयोजनामा कम्वाइन हाइकिङ शुक्रबार लेटाङ १ स्थित पर्यटकीय क्षेत्र राजारानीमा सम्पन्न भएको छ । लेटाङ २ स्थित किराँतचौकबाट पैदल हिंडेर पर्यटकीय क्षेत्र राजारानी पुगेका १ सय १० जना विद्यार्थीहरु कम्बाइन हाइकिङमा सहभागी भएका छन् ।
लेटाङका ४ वटा विद्यालयबाट सहभागी भएका विद्यार्थीहरुले पैदलै हिंडेर राजारानी पुगेर दाउरामा खाना बनाएर खानुका साथै खाना बनाउने प्रतिस्पर्धामा सहभागी भए ।
खाना बनाउने पुरानो प्रविधि बारे नयाँ पुस्तका विद्यार्थीहरुलाई जानकारी गराउने उद्देश्यले विद्यार्थीहरुलाई विभिन्न समूह बनाएर खाना बनाउने प्रतिस्पर्धा गराइएको थियो । प्रतिस्पर्धामा प्रथम, द्वीतिय र तृतिय भएका विद्यार्थीलाई पुरस्कृत गरिने स्थानीय स्काउटको कार्यालय लेटाङका परिषद् सदस्य रिचन तिम्सिनाले जानकारी दिनुभयो ।
