लेटाङ । लेटाङ नगरपालिकामा एकताको सन्देश दिँदै बहुजातिय तथा बहुधार्मिक र्याली प्रदर्शन गरिने भएको छ । नेवाः देय दबू लेटाङको आयोजनामा लाखे जात्राको उद्घाटनको अवसरमा “जातीय एकता हाम्रो प्रतिबद्धता” भन्ने मुल नाराका साथ र्याली प्रदर्शन गर्न लागिएको हो ।
लाखे जात्रा उद्घाटनको अवसरमा निकालिने वृहत र्यालीमा नगरमा रहेका विभिन्न जातजातिका सँस्कृति झल्कने झाँकीहरुका साथै विभिन्न सामाजिक संघ–सँस्थाहरुको समेत प्रतिनिधित्व रहने आयोजकले जनाएको छ । जुन र्यालीले नगरवासीको एकता र भातृत्वको सन्देश दिने बताइएको छ ।
लेटाङ–४ स्थित भिमसेन मन्दिरबाट मध्यान्न १२ बजे सुरु हुने र्याली लाखे नाच, विभिन्न जातजातिका साँस्कृतिक झाँकी, बाजागाजा र स्थानीय कलाकारहरूको प्रस्तुति सहित लेटाङ बजार परिक्रमा गरि वीपी चोकमा पुगेर समापन गरिने नेवाः देय दबूका रुद्र श्रेष्ठले जानकारी दिनुभयो ।
